狗狗代表貓貓去接收禮物

今日仔仔哥哥同我豬豬一早陪Daddy媽咪去聖堂，然後一齊去大埔探Daddy個媽咪，順便接收Daddy個家姐Rovinia姨姨由北海道帶返來比貓貓狗狗的禮物。

雖然話Daddy個媽咪即係祖母，但係我都未見過佢面，佢又驚狗，所以一向都唔比我地去探佢，今次Daddy同媽咪約好唔話佢知會帶我地去，一於比個驚喜佢。　

點解佢咁驚狗，聽daddy話以前佢住鄉村時比同村一隻細番狗仔咬過，所以就好驚，不過聽講daddy個細佬都比同一隻狗咬過，仲要打七針果種，不過依家都唔知幾鍾意狗，所以Daddy同哥哥話要哥哥預習下點樣做狗醫生，醫好D心靈有問題的人。哥哥雖然未考牌做狗醫生，不過Daddy媽咪話佢近來好乖，有D潛質可以去考下，我豬豬就自問好驚，亞祖母唔驚我我估我都會驚佢，不過入得依家門，就要聽Daddy媽咪話去，最多到時搵窿捐。

話咁快就去到大埔，我地先去探下車場的狗媽咪同狗Daddy，之後就去左大埔中心，依度幾好，係可以養狗的，所以我地搭lift都比較自然，平日D人出入都會在lift內遇到狗狗的，唔會一見狗就大驚小怪。

開門時見到祖母，都唔驚我地，我迅促入左去，搵個安全的地方。哥哥就急不及待要睇下D禮物，見到是肉條，就要食，結果祖母餵我地食，少不免哥哥又要做下D基本示範好似sit, down, roll等等，哥哥真係好乖，又唔惡又千依百順，祖母讚我地乖，Daddy乘機話留低我地比祖母照顧下，差D嚇死我，好彩祖母唔答應，其實Daddy媽咪都唔會捨得留低我地。

探完祖母，我地又親身去多謝Rovinia姨姨，點知Rovinia姨姨仲驚狗，又冇聽聞佢細個比狗咬，總之，我覺得我同Rovinia姨姨好襯，大家都驚大家。

返到屋企，我地比D禮物貓貓，不過媽咪話要遲D先食，而我地的肉條，聽媽媽話要送一包比美麗，因為有佢好辛苦咁照顧小白熊我地先可以去街街，美麗唔止係靚女，仲好好心腸，我豬豬真係要向佢學習。

有兩包比狗狗，我地已經開左一包，剩低依包比美麗：

~~豬豬字