尋找失落的聖堂之一

話說前幾日同美麗妹妹行下山時，我仔仔忽然見到有間七苦小堂空置左，一直就好想去搵D資料，碰巧昨日媽咪病左要休息，我就同豬豬妹妹去影番幾張相比媽咪，等佢可以幫我地搵番晒香港D古舊小聖堂。

為左慳時間可以照顧媽咪，我地開左架車去到北潭坳，泊好車出發。

好快就行到北潭郊遊徑，話時話，都未行過依度，不過今日唔行，搵日約D朋友仔一齊行下先。

沿途落山都好輕鬆，不過條路就蓋上左好多藍色的膠板，據Daddy話是地政署要整路燈，真係唔明，條路好日都冇狗冇人行，個個都有車出入，整咁多燈，我地D野生朋友就真係冇覺好瞓，又唔環保。我記得Daddy話佢同媽咪在英國見D一般公路十居其九都唔會有路燈，唔通我地回歸祖國真係要大改特改？

話咁快就落到麥村，依個亭我地成日見，都未有機會享受過，今日可以同佢影張相了。

過左麥村路口好快就是平路，依度有幾條村，狗口唔多，有D似我地屋企。路邊仲有D舊建材添。

為左爭取時間，我地都係快D入去七苦小堂先，妹妺快D，前面就係了。

去到發覺佢已經唔係聖堂，改左做童軍中心，不過個十字架尚在，今日冇人，仲鎖左，我地只可以在門口影張相。

果度有張banner就係要影比媽咪的，就係依張la，原來有13個小堂分別座落新界各處，有三個改左做童軍中心，其中白沙澳一個我地24號聖誕節就會去，到時再同大家介紹：

而依個七苦小堂就已經有過百年歷史了

回程趁陽光好同妹妹影張靚相先

又當然唔少得玩下水

之後行番上山，途中有人做左聖誕樹，我同妹妹影番張留念

妹妹又見到隻冬日蝴蝶，妹妹話雖然佢命不久已，但我地都要小心唔好踩死佢

又見到隻遊艇，如果我地有船，妹妹就可以日日玩水了

返到屋企，真係好攰

妹妹攤左在床上

佢隻腳就....