石澳自遊行之二

今次去石澳，已經講過係另有目的，就係佢地la。

 

不過，大家對佢地應該冇乜興趣，所以都係講番我地狗狗的事。我地等左一陣見朋友仔都未出現，媽咪同我打電話問，先知佢地遲左出發，咁我地唯有由大頭洲又行返出停車場，Daddy話不如食午餐先，我地當然高興，知道媽咪帶左好多雞柳同行。

終於見到主角朋友仔，分別係粉紅色既Cola同黃色既Sheba，你睇下佢地幾靚：

點知cola見到我地就猛擰頭，真係唔知點解

哥哥話不如我地扮番四正D，可能cola話大日子我地唔可以太隨便，咁，我地就叫媽咪同我地係咁意戴番個蝴蝶/煲呔：

之後D大人好忙，好在陸陸逐逐好多小朋友出現，我地有我地食零食、休息同玩下，大人做乜我地就好少理。

﹝佢係妹頭，真係好靚，不過少出街，同我豬豬一樣細膽，大家唔好睇漏後面粉紅色衫的嵐嵐，我地好貓狗(兄弟)泥嫁，我地有野食都分比佢。﹞

﹝依個朋友仔原來只係路過，不過四海之內皆貓狗，我地當佢手足一樣招呼，睇泥佢都好滿意。﹞

﹝未見過天使就唔好走雞，小天使Cooper出場。﹞

﹝講有型，肥波最有型，佢套禮服簡直可以著去做花仔。佢仲識give me five，我豬豬真係有排學都追唔到。﹞

朋友仔仲有好多，大家睇住咁多先，我問下佢地想唔想出鏡先post。

等你地恨下先，我地的聖誕禮物－－－狗狗專用薑餅。