星期五Daddy Mami帶左我地行商場，好似話係咩寵物節，所以狗狗先有得一齊去，好多人唔係好多狗．不過無草地無得跑都幾悶．
好在個場有好多零食賣，係我地積極試食同盡力督促Mami之下，都有唔少收獲．
場入面既人大多都唔驚狗，好多人都話我靚仔，又有靚女小朋友要餵我食雞同堅持要同我合照．我當然係任摸唔嬲啦．
都唔係我地係去參觀定我地去俾人參觀，好多人走埋黎摸我地，又影我地相．仲問Daddy點樣教到隻狗甘乖，好彩Daddy無講大話，話我地天生甘乖唔使點教喎．又問Mami我甘靚仔係咩狗，Mami梗係大大聲甘話：唐狗囉．
妹妹就繼續細膽，不過佢好大進步，無搵枱底又扯繩，媽咪話繼續俾多d大場面妹妹見下喎．
但係大狗好多限制，依度升降機又唔坐得，依個門口又唔出得，攪到daddy頭都大埋．
Daddy Mami今日有野做，唔得閒，同我地行完山就要出門口去另一個山，好似話拜山喎．睇住我地既收獲先，等佢地返黎再寫啦．
比人摩兩吓讚吓仲有得食.咁好嘅野邊度搵呀!(~~豬仔爸媽身上搵 !) [版主回覆03/08/2008 19:47:00]豬仔爸媽身無長物, 最值錢就係一屋貓狗, 有錢都買唔到呀.
回覆刪除你地咁乖咁叻, 緊係會多人讚啦, 真係好呀, 又為唐狗增光啦~ 我想問Ruff Cut點賣呀? [版主回覆03/08/2008 19:47:00]身負宣養唐狗係又乖又叻既重任, 仔仔以為會更加醒定定 Ruff Cut勁抵, 一百蚊三包, 一包3磅, 含30pork roll twists. 100%nature, no artificial colors or preservatives. 豬仔媽強列推介. 過好場內 似無乜人留意到佢, 可能細狗多啦
回覆刪除多唔多野行呀?我同Pat今日都應該去, 但就唔會帶檬檬同Momoko去喇! 豬豬同仔仔咁正我都忍唔住想攬實佢地啦! [版主回覆03/08/2008 19:48:00]哈哈, 我地今日咪係個場到見到law, 就係因為掛住你我先去多次咋.
回覆刪除我都有買入場卷o既現金coupon, 不過公司有同事放大假要返工呀 ! [版主回覆03/08/2008 19:49:00]你用好野又去唔到就益大家呀麻. 不過星期五還好, 星期六人山人海, 一下唔少心真係踩死狗呀.
回覆刪除仔仔豬豬又有得出大場面,恨C人呀! [版主回覆03/08/2008 19:49:00]我覺得麗麗仲威喎, 去到邊都有人認得.
回覆刪除hi! cmcm~ [版主回覆03/08/2008 19:50:00](Empty)
回覆刪除我睇唔倒d相嘅 [版主回覆03/08/2008 19:43:00]試多次呀, 依家應該睇到架啦.
回覆刪除乜嘢呀？乜都睇唔到bor！ 行完山去拜山？排山倒海既節目又到勒！ [版主回覆03/08/2008 19:43:00]可能個網上相部既setting有問題, 剛剛改左, 你再試下. 依呀依個月又有排山倒海既節目呀... 有節目唔使有理由既....hehe
回覆刪除咁多野買到ga，唔制呀，我都冇份去……嗚…… [版主回覆03/08/2008 20:29:00]唔係好多之麻, 因為今日又再去多次, 又一堆啦. minnie唔好喊啦, 小克姨執返份俾你
回覆刪除我今日都買左好多野阿。 [版主回覆03/09/2008 10:01:00]唔係見到好多貓貓食既野，可能拖住狗睇唔真
回覆刪除滿戴而歸，食物櫃再度爆裂！ [版主回覆03/09/2008 10:00:00]個櫃爆左啦，開多左個大膠箱裝
回覆刪除媽媽明天去唔知會唔會有收穫呢？ 黑麗 上 [版主回覆03/09/2008 10:00:00]黑麗叫你媽咪打俾我，等我毒下佢，等佢買多d好野俾你．
回覆刪除我今日都去左, 仲撞到好多blog友呀. [版主回覆03/09/2008 09:59:00]唉哎，我地都有去呀，撞唔到你添．．．
回覆刪除仔仔真係好鬼正,點抽水都唔嬲!希望豬豬都快D進步! 豬仔媽,買咗咁多嘢,記得唔好孤寒派比豬仔喎! [版主回覆03/09/2008 09:53:00]豬豬：我會加油架啦, 豬仔媽：今次買既野，好多都係俾村狗同地盤，豬仔唔好多心
回覆刪除大耳:「 睇到食唔到,我唔減肥啦 」 [版主回覆03/09/2008 09:52:00]減肥成功咪有得你食law, 俾心機呀大耳
回覆刪除我地今日都去左狗展. 真係好多人呀, 幾驚踩死狗呀 ~ [版主回覆03/09/2008 09:52:00]hehe我係美麗媽部相機見到你地個靚樣呀.
回覆刪除豬仔媽媽 你地幾時去架?我地尋天去左啦 好多人好多狗狗呀!!! [版主回覆03/09/2008 18:01:00]我地星期五同星期六都有去呀. 你見唔見到我呀. 魔媽有無買左好多野俾魔女同dombo呀.
回覆刪除嘻嘻~~~我一早出左 Door Mouth，所以 call 唔到你添！！Sorry~ 我參架左頭條網既比賽，所以有 2 張票，都唔駛錢錢！ e e : 媽媽駛左成千蚊，今次我地發達 luuuuu 黑麗上 [版主回覆03/09/2008 18:00:00]黑黑麗麗. 你地發達啦, 記住叫媽咪show off下. 如果你地食唔曬要幫手, 記得出聲呀, 我地friend黎架啦. 仔仔豬豬字.
回覆刪除豬仔你地真係叻叻ｌａ，為唐唐爭光呀！ 明日（星期一）我地入大尾篤呀！果個人約左我１點幾，你係咪可以出黎食晏呀？咁你ｌｕｎｃｈ食幾點呀？大尾篤我唔識路架，我淨係識係租單車對面果ｄ餐廳食野架咋！ [版主回覆03/09/2008 23:13:00]我lunch十二點半到點半, 十二點九去到大尾篤, 你搵定位我泊低車call你好唔好? 就係租單車對面求祈搵間啦, 我出黎抽水之麻, 食乜都得架啦.
回覆刪除不如租間房淨係擺零食 [版主回覆03/10/2008 09:48:00]依個提意唔錯，貓糧狗糧零食貓狗用品加埋應該可以迫爆我間睡房．甘啦佢地訓房（唔好出房），我地訓廳啦，計返有著數呀，個廳大甘多．
回覆刪除Bibo媽, 你係咪要ruff cut俾愛協班仔女呀, 一包夠唔夠分呀, 等我私人醒佢地啦, 點俾你呀.-------> 豬仔媽, 多謝你呀, 不過唔洗啦, 你都要留反比豬豬仔仔同流浪狗啦, 唔緊要啦, 下次我一定會去"上倉"架啦~ 編輯HTML源碼 [版主回覆03/10/2008 11:38:00]定係一包唔夠分呀，不如攞曬兩包去呀．仔仔豬豬唔係食得好多架． 唔知搵唔搵得返間野叫佢俾返個展宵價我哋啦．
回覆刪除唔好啦, 個庶咁多狗, 又真係唔夠分 , 你專登買黎比豬豬仔仔食, 我唔可以攞你既, 唔緊要啦, 不過如果可以搵反個間野問下都好, 因為我都係長期咁買比佢地架~ [版主回覆03/10/2008 14:07:00]真係咁鬼客氣啦．．．
回覆刪除豬頭 :吓！你哋有去呀！唔制呀! 睇唔倒你哋 ~ 因為我冇去呀! > < .... [版主回覆03/10/2008 15:27:00]豬頭，下次我叫mami帶埋你去呀． 豬豬字．
回覆刪除豬頭 : 好呀! 記住喎 ~ [版主回覆03/10/2008 17:01:00]好呀好呀，一齊去玩呀!!!
回覆刪除笑屎我 "好彩Daddy無講大話，話我地天生甘乖唔使點教喎", 你地下次應該話我學我爸爸媽媽之MA, 佢地都係咁乖, 佢地做左個好榜樣丫MA!! [版主回覆03/10/2008 17:02:00]係喎，電視都有講啦，一家人呀麻．．． 不過佢阿爸阿媽唔會俾人抽水又唔會俾手架喎．．．
回覆刪除早啲知道豬豬仔仔會去, 我實抽水嫁! [版主回覆03/10/2008 18:54:00]唔緊要呀, 實有下次, 仔仔等緊你抽佢水呀.
回覆刪除Katy and I went on Sun and we missed you. Good for both 豬豬仔仔whom they received warm welcome by the visitors! I am always good at shopping for my own stuff. But for Katy's, I am still learning the categories, the priorities, and the bargains. Are you planning to go to the pet expo at the airport in the upcoming summer time? If so, let's try to do this together and I really need your coaching to shop for the best stuff. [版主回覆03/11/2008 08:49:00]原來你地星期日去, 錯過左親親 katy既機會添. 機楊個expo好似大型好多, 上年錯過左, 今年夾到時間都會去. 至於買好野我都係直覺加試味, 始終小食少食, 唔會太執著, 狗糧太重又唔會即場買, 今次我跟住美麗媽行先發現最熟行程係佢呀, 下次真係要大家約埋一齊先得. 今次我地一共去左兩, 因為拖住狗狗真係唔好以慢慢行細心揀, 所以第二日又再去過啦.
回覆刪除都唔係我地係去參觀定我地去俾人參觀 仲問Daddy點樣教到隻狗甘乖，好彩Daddy無講大話，話我地天生甘乖唔使點教喎 你啲gag... 一個比一個好笑 [版主回覆03/11/2008 08:44:00]你即係話我換爛gag唧... 寫blog睇blog都係想問心, 唔攪邊有得笑唧
回覆刪除收穫都幾豐富喎 ~~~ [版主回覆03/11/2008 13:38:00]我就覺得唔夠, 所以星期五去完星期六再去多次.
回覆刪除我地都有去, 不過係星期六, 但係人太多狗又太多, 只買左禮物比其他朋友咋! 原來咁多blog友去... [版主回覆03/11/2008 21:20:00]係呀, 難得可以帶狗狗一齊揀野食呀麻. 不過場又細人同狗又多, 出入又多限制, 真煩.
回覆刪除嘩．．．貢多零食．．．有無開個「專櫃」呀？ [版主回覆03/12/2008 09:12:00]個專櫃己經爆滿左好耐，依家開多左個大膠箱．．．
回覆刪除我都係Friday去喎, 唔見您嘅...我都買了好多嘢呀! [版主回覆03/12/2008 09:14:00]我地星期五四點左右到場，先行PetMax再落會場． 見唔到你真可惜，可以親身多謝你，又可以叫豬豬錫下你．．． 希望下次有綠相見啦． SAA既宣傳單張入面有ah dee呀，仲排第一添，真叻仔．
回覆刪除