十五十六西貢抽水燒烤團－－－詳細報導

今次BBQ要反傳統，先黎嗚謝．

首先梗係要多謝BearBear同寳寳啦，多得佢地媽咪同婆婆勞苦功高，攪掂曬成村人既野食．（註張相係上次影架，寳寳既毛己經生返曬，叻仔）

之後就多得美麗啦，因為多得美麗媽，我地先識到依班唐氏綜合症既同志．

好啦，講返今次燒烤既內容啦，燒野食梗係有包包啦，但係今次既包包就甜都爆，因為包包係一個好精靈既小朋友，你睇佢個樣幾甜．

邊個話今次無腸腸架，我地有兩條腸．分別係Mimi同BrownBrown

以前燒野食蕃薯係可有可無既野食，但從今己後豬仔媽己經深深愛上左蕃薯啦．薯薯你太可愛啦，下次叫你媽咪唔實綁實你，我會抱實你唔放架啦．

黑黑：你地班大人就食得開心，難為我地無啖好食．

麗麗：係啦，我淪落到要去食草．

黑黑：我仲慘呀，要食垃圾呀．
（按：為左劇情需要委屈左黑黑麗麗．．．豬仔媽至歉）

momoko：黑麗姐姐，你地太唔了解佢地啦，我雖然狗仔細細，我都知佢地唔會咁對我地啦．你睇真d．
（按：豬仔爸竟然無影到檬檬豬既靚相，下次佢會幫檬檬影返十張獨照，唔靚唔收貨，豬仔媽致歉）

話口未完，Mo檬媽就開始不停手咁派野食啦，狗狗有份永不落空．

豬仔公公見到原來有包平安雞條係手就咁受歡迎，當然要派埋一份啦．
無十隻都有八隻狗排隊呀．
（當然啦，十三媽見到一定會話我地未見過大場面，佢日日都俾成打狗圍住）

出曬名錫狗既美麗媽又點會唔派埋一份呢．

派雞同時，仲會抽身貼身照顧佢至愛既美麗小姐，
真係做狗好過做人．．．如果你生係美麗家既話．

一路食仲一路有表演睇，當然要多謝Gypsy婆婆同Bilbo仔啦．
Bilbo真係對我好好，幫我洗面洗得好乾淨，攪到我今朝都唔多捨得洗面．

個衰仔同衰豬見大家食飽無野做，仲安排左緊張刺激既尋找衰豬的故事俾大家玩，依兩隻野實在大失禮啦，真係辛苦曬大家幫忙．

豬仔媽唔識教啦，等佢地公公教訓佢地啦．
你地睇豬仔媽咁乖，就知豬仔既公公婆婆一定會教好佢地啦．

最後，一定不得不提，今次燒烤真係特別惹味，都係全靠BearBear咋，全靠佢係d炭度加料．．．

我地玩得好開心，雖然中間係驚左陣．
好心急等緊下次一齊玩．．．
我唔會再俾佢地走狗架啦