鼠年疑似自來狗事記簿

今日豬仔媽返母校參觀，剩低豬仔照顧豬仔爸，點知，突然豬仔狂性大發，細看之下，發覺門外多了一頭雪橇狗，豬仔爸心想不妙，又來一隻春日自來狗？

狗狗唔多驚人，肥C大隻，毛色健康，只是有點濕和右前爪有點傷，最重要係身上有瘋狗症注射記錄

估計就算真是棄養的狗，都可以有記錄可尋，更何況有點熟口面，雖然豬仔爸對所有的雪橇狗都覺得無分別，但點都唔會重覆一次豬豬的故事，所以招呼住佢先，再給她找回主人。

佢認真係一隻為食狗，見佢咁肥，但又好想食野，所以比左D乾糧佢食住先。

食左野再同佢抺乾個身，再洗下傷口，比佢在陽光下休息下，佢仲貼著豬仔爸瞓。

打電話問豬仔媽可記得附近雪橇狗們的名字，但一時又記不起，原本等豬仔媽回來才處理她的，畢竟一個人看三隻狗怕有困難。

點知仔仔肚子不舒服，嚷著要去街街。惟有硬著頭皮，一個人拖三隻大狗出去。

仔仔都算OK，同雪橇和平共存，豬豬就比較煩，不願跟雪橇一塊兒走，不過都算順利。

乘仔仔要去廁所，諗住帶雪橇在村中走走，如果她真是村中的狗，見到家門一定有所反應吧，怎知過了最疑似佢屋企的門口她都沒有反應，算吧，再想辦法。

正在繼續前行時，忽見一人如釋重負的前來，噢，她們走失的狗，她說是早上散步時雪橇狗追狗走失了找不回來，她的主人著她四處去找雪橇回來，真是一隻頑皮的小狗。

豬仔媽回來後說起是她了，那是一隻超為食的雪橇。

只是，她一向跟仔仔有牙齒印，兩狗相遇，必狂吠一番，真不明她為何可以跟仔仔一起拖繩。

故事都算大團圓結局，希望以後佢同豬仔相遇時會和諧一點就好了。