復活狂奔（下）

當大家以為狗地跑得好開心既時候，我仔仔冒住生命危險都要講出真相，唔想俾大家以為可以為所欲為。

（節目重溫：復活狂奔（上）<---click me）

其實我地係大逃亡，逃亡就全因為我們身後既人．我唔敢講名，你地自己認啦．

事情既開始係咁既．話說豬豬見到來勢洶洶既人群，己經心感不妙．佢己經想走架啦．點知．．．

當然係走唔甩啦，即時俾三個人六隻手係咁抽水．豬豬無曬表情啦．

話口未完，另一邊廂又有Minnie遭殃．成隻狗俾人抱起左，嚇到佢條脷都跌左出泥，仲要一個抱完又一個．

Minnie媽咪唔單止無制止．仲好開心咁影底佢．

狗仔細細既Cooper梗係走唔甩啦．任佢點叫都無人救佢．
在隔離媽咪手中既信封，唔通裝左$，就係cooper俾人抽水既$？

當美麗媽走近既時候，佢仲好天真以為有救，點知只係由一對黑手跳進另一對較美麗的黑手入面繼續俾人抽水而已．你地睇下Cooper既眼神幾無奈同幾無助．

就連初黎報到既Browine都慘遭毒手．你睇下佢個樣幾唔開心

因為同一時間佢仲要親眼見住阿妹Mocha遭受到同一對待．

Mocah當然嚇到花容失色啦．

佢幾經辛苦，終於脫離險境．跟住佢大叫一聲：我忍無可忍啦．

然後佢就同Minnie講：依度好危險呀，我地狗分兩路，叫埋其他朋友一齊走啦．

於是Minnie同Mocha就狗分兩路，發散狗通知大家散水啦．

Minnie係一個好錫妹妹既家姐，佢第一時間就叫埋Cooper一齊走啦．

Mocha腳仔長長跑得快，所以佢就負責通所所有唐唐﹝亦包括唐狼豬豬﹞依個逃亡行動．Browine同豬豬就跟大隊走啦．

最後麗麗為保名節當然要跑埋一份．佢要嫁入豪門架麻，當然要好好保護自己啦．如果唔係，一有D相流出去就白費心機la。

至於我仔仔點解唔走？因為．．．（Er...有少少唔好意思添）

Browine對住我流口水，我又點捨得走喎．