環保狗先鋒－－－無叉用

地球先生病左啦，佢會唔會好返呢？
豬豬仔仔雖然無電視睇，加上個廣告出街時佢地都未出世．
但係豬仔爸同豬仔媽家教深嚴，自小對佢地寄於厚望，終過長時期既嚴格訓練同指導（屋企既小朋友放心可以學架），佢地於變身成環保先鋒，為拯救地球獻出一分微力．

豬豬：仔仔哥哥，我孭住個背囊，係咪去街街玩呀？
仔仔：豬豬，認真D啦，準備左甘耐，我地係時候出動啦．

豬豬：仔仔哥哥，依度我地晚晚都黎架啦，散步之麻，咩行動呀？
仔仔：依度每個週未都有唔少人黎燒烤郊遊，但係就剩底左好多有用既野．
豬豬：仔仔哥哥，我明啦，我地係咪去拾荒呀．係呀汽水罐廢紙都好值錢架．
仔仔：依個提議唔錯，不過下次要拉架車先夠裝呀．

說時遲那時快，聰明過人．．．呀唔係，聰明過狗既村狗MiMi有發現．
MiMi：汪，汪汪，汪汪汪．

無錯啦，各位觀眾，佢地今次既任務就係執燒烤叉啦．話說月尾約左班狗友燒烤，但係我地無叉用，為左唔好浪費又唔好破費，於是就搵個星期六晚去收集啦．

豬豬：仔仔哥哥，你睇下，我地有叉用啦，仲有手套送添呀．
仔仔：唔好講咁多啦，開工啦．早d收工返去食飯呀．

仔仔：不過我地個袋甘細，點裝得曬呀．
豬豬：哥哥，你又話準備好既．．．

豬豬：係咪甘樣孭住支叉返屋企呀．

仔仔：唔係孭住支叉，係孭住堆叉
豬豬：吓．．．唔係呀麻．
仔仔：廿幾個Uncle Auntie黎燒野食呀，唔係同你講笑架．

仔仔：唉，大家去燒烤就一定會帶燒叉，但係垃圾分完類之後，第二朝又會俾垃圾車收走．所以用得唔好浪費，地球資源越黎越少，堆填區都爆滿啦．所以大家努力啦．如果可以既話就唔好懶，可以以再用既野帶返走，下次燒烤時再用返，唔好用即棄餐具．雖然依d野唔係好貴，但係須知道地球既資源好珍貴．

仔仔：為左依拯救依個美麗既地球，我地好快又會再出動．
豬豬：唔，我地會繼續努力架啦．