淡水湖水壩1234

1

豬豬：『點解今次題目有1234？』

仔仔：『等我諗過先。可能係咁.... 』

仔仔：『我地屋企雖然有兩架車，不過通常daddy媽咪都好孤寒，只會開架細車同我地週圍去，今次冇例外，都係開左1架車出泥，所以就有個1字。』

狗靚又聰明可愛的美麗：『咁個2字由我估下la，今次雖然EE好孤寒咁開架1100cc車仔同我地去街街，不過就有兩家人去，咁，個2字就係咁解了。』

大家姐翠兒好cool咁講：『好心你地幾個加埋都有十歲啦，仲咁幼稚。一架車兩個家庭三個人四隻狗咁樣1234，未出發前EE已經同媽咪在電話中講好，唔通幼稚園提早放假，你班狗出晒泥？不如我地幾個影番張相先出發啦』

就係咁，佢地四個狗就謀殺左好多記憶體

---

2

原來係豬仔媽覺得每次帶狗都要開車好浪費，但係狗多又大，以往要開架4700cc的吉普車先可以比仔仔同豬豬坐得到，不過大車又高身，好多車場都入唔到，4元行一公里就更加肉痛，所以決定要將間細車改裝到可以唔止坐豬仔媽一家大小，起碼仲要可以坐多一個人同一兩個狗友，就係咁，架車後坐位多左個椅cover，仲要可以只遮單坐位咁，等後排位唔止可以坐狗狗，仲可以坐人。大功告成，要試下效果，所以一家大小再約美麗去試車。

↑↑個cover可以比狗狗坐得好D

↑↑中間有拉鍊，可以分成兩份，比人坐果邊放番落泥，咁兩隻狗坐一邊，一個人坐另一邊，佢仲可以抱隻細狗坐。

---

3

豬豬：『美麗姐姐，終於可以落車la，你辛苦唔辛苦呀？』

仔仔搶住回答：『點會唔辛苦呀，不如快D舒展下筋骨先。』

美麗：『我係淑女，不如你地自己跑，我會慢慢行。』

豬豬：『哥哥等埋』

豬豬：『哥哥，你追唔到我。』

那邊廂，身為淑女的美麗同翠兒就在兩公里上的長壩漫步享受早上的陽光...

終於，仔仔豬豬都累了，大家飲下水同影下相

---

4

大尾督水壩有工程進行中

應該唔會影響就快舉行的愛協步行籌款活動。不過，進行工程的承判商就認真要再學習，負責工程的大佬唔理D細在太陽下工作，自己就停架車在水壩中間，開著引擎在車廂內歎冷氣瞓覺，其實當日都唔係熱，仲有海風，其實就算真係熱，依家停車熄匙都係潮流la。

諗緊是否要向有關公司投訴。