今日大件事之第二回

第二回：山川靈氣聚千載、日月精華混五行

大灘↓↓

話說上回說到猴塘溪畔大灘村前本靈氣聚合，日月五行協調之地，奈何遷入一批頑猴野狗作陪瞓小朋友，令到天地為之失衡；更不幸是小朋友分黨分派，持寵生嬌，令本來和諧暢順之所，為烏雲所敝，障氣遮天。聚眾小罪而成大惡，終演成講數開片之大事。惟此事涉及粗言粗語，目前正交淫審處處理，並有關圖片之版權仍在爭議中，故惟有暫且按下不表。

頑猴↓↓

且說大灘村本山川靈氣聚合千載而成，且千載吸收日月精華，陰陽五行協調，遂於其中孕育出大批才子佳人，更因位處天地之中，令中西薈萃，實一福地是也。

中西薈萃↓↓

雖說此處人才匯集，惟亦吸引一些頑猴野狗，豬仔爸媽恐怕因而天下大亂，惟有把這批頑猴野狗盡收家中，讓他們安心修煉，他日成仙成佛，亦做福天下。這批小朋友中，大部份已修煉七八，可登高位，惟有冥頑不靈者，離道尚遠，故豬仔爸媽將其收為特殊陪瞓小朋友，置於大床上修煉，猴狗雖則冥頑，大部份亦有寸進，可置於床邊不顧，惟涉今案之諸位小朋友始終頑固不修，每夜均需豬仔爸媽看顧修煉方不致走火入魔，無奈豬仔媽因事公幹不在，豬仔爸又難瞓如泥，遂讓小朋友有機可乘。

且讓看官們細看今次幾位主角。

(一) 細孖

細孖可謂冥頑中之冥頑，他跟daddy修煉數載仍要每晚受陪瞓監管，與他同來者還有大孖及亞祖，此兩位兄弟早歸床邊獨自修煉，惟細孖雖已沒有特殊任務，仍不能脫離Daddy監管，其冥頑之級數各位可知。

(二) Oscarson

Oscarson並非猴子更非狗狗，惟其頑劣之處有過之而無不及。本地本已有無數Oscarson，除此外其餘均已修煉近道，只餘此Oscarson新來而粗魯如Daddy不改，目前每晚需詳細聽媽咪訓話方可入睡。

(三) 冬仔及楊狗蕉﹝跟班﹞

年前冬冬去世後媽咪把貌似洛威拿的冬仔收為義子，供Daddy教養，望其一如冬冬一樣揚名聲顯父母，奈何冬仔只有洛威拿的外表，沒有所向披鋒的勇氣，終日修煉而不成，豬仔媽遂再收養一貌似冬仔的四眼小黑狗，名為楊狗蕉，寓意為一隻狗的蕉，正如細孖胸前的一條蕉一樣，為冬仔帶來能量。

(四) 布仔及寶利﹝跟班﹞

布仔是大灘村黑市居民，年前偷渡來後一直藏身於大床以逃避揖捕，目前形勢稍稍放鬆，故時有曝光，布仔比較膽小又和善，媽咪為幫他早日修煉成道，所以每晚均留他在大床上善加管教。由於布仔細膽，媽咪為他加添了一個跟班─寶利，希望他可以安心並如楊狗蕉般為布仔增加能量。

{五} 大吉

其實跟大吉一起抵達此地的還有小雲小吉，由於小雲小吉聰明伶俐，早已修煉成功八九成，但大吉生性和善，並不急進，所以一直仍要留在大床上。不過由於大吉為狗可愛，深得全部小朋友歡心，能否成仙成佛實不重要。

(六) Ling-ling

Ling-ling本為峨嵋山靈猴，不幸留落於此地，幸此地靈氣薈聚，當中花果不絕，養生活命不窮。此猴來此日子尚淺，豬仔媽見他活潑可愛，想他必能早錄仙冊，惟陪瞓小朋友多心胸不闊之輩，故諱其名為小朋友之跟班，實仍借助他的靈氣助冥頑之小朋友得道。Ling-ling原歸編為細孖之跟班，後見檬豬豬更需外力之助，遂改為檬豬豬之跟班。

(七) 檬豬豬

各位看官對檬豬豬早已認識，只需補充說明一下他原本是一個聰明可愛的小朋友，不過馬騮生逢不幸，流浪多時方遇上這片福地，由於他的自我保護機制未除，形成社交障礙，常言道成仙成魔，一念之差；媽咪Daddy正努力改變他。

古詩有云：
頑猴野狗聚天朝，豬仔爸媽實心焦，風流人物數數看，何妨大灘看今朝。

各位看官，雖云大灘為一福地，惟猴狗群集，看管費殺思量，欲知後事如何，且聽下回分解。

今日大件事

詩云：

滾滾猴塘溪流水，潮汐掩盡英雄，
事非成敗轉頭空，蛇尖依舊在，幾度夕陽紅。

今日大件事，因為媽咪要去大陸公幹而daddy又要早出晚歸，屋企無皇管，加上好太陽，一班陪瞓小朋友就走出睡房在太陽下講數。當然要在太陽下la，冇乜邊件事係唔可以見光的。

先睇下講數現場：

人多勢眾的一邊有比人遮住的冬仔、細孖、布仔、Oscarson、同大吉同佢地的跟班﹝冬仔跟班楊狗蕉，布仔跟班寶利﹞，另一邊廂就有檬豬豬同佢兼職跟班Ling-ling。

大家唔好比檬豬豬呃到，佢加入大家庭唔係好耐，大概有一兩個月，不過你睇多幾張佢D相先：

依張留意佢戚起個咀幾招積↓

搵個胸大你↓

目中無人↓

爬欄杆大你↓

拿，正面三七面近鏡遠鏡都睇過，你對佢有乜評價？睇佢生到大大舊，連件衫都摺到上肚腩，又目中無人，仲挺胸擺出個戰鬥格，你覺得對其他在大家庭已經有自己地位的小朋友來講，你認為佢地有乜諗法？

最差仲係佢唔分大細又唔埋堆，人地新入黎一般先做人地跟班，佢就唔做跟班又要瞓大床，仲衰剩把口，所以攪到周身牙齒印...

終於，積積埋埋的恩恩怨怨今日爆發，攪到要班馬講數。

正是江湖恩怨似了未了，大灘村裡殺氣沖天。

欲知後事如何，且聽下回分解。

曬命

今日好陽光又唔冷，正好曬下所有野。

紅紅：『你地都泥曬下la，真係好舒服嫁。』

小黑豬、肥啡公主齊齊話：『真唔真？』

肥啡公主：『啡啡媽咪，又真係好暖呀。』

紅紅：『真係好陽光嫁，黃仔不如你泥一齊瞓丫。』

黃仔：『好，我來了。』

黃仔：『攬住曬，好舒服。』

曬得幾舒服？睇下曬到毛都鬆曬就知有幾舒服了。

就係咁，幾隻小貓起勢咁曬命。那邊廂，又見到其他小朋友。

佢地就係通常做陪瞓的小朋友，今日都趁好天來曬命。

Ling Ling係最新加入大家庭的小朋友，攬住成班小朋友曬太陽仲係第一次，睇佢幾興奮。

咁好陽光又點少得仔仔同豬豬呢，佢地都出術等daddy比佢地曬命。

出乜術？見到豬豬你估唔估到呢？
答案係：豬豬趁行山跳落水玩，乜有得曬太陽了。

拿拿拿，連Daddy都要曬命，太陽下食午餐。

當然仲有全屋好多野要曬命：

早幾日落雨時試用過的shelter↑↑

一直陪我地擋風擋雨的褲↑↑

連最小的腳底下的兄弟，都話要曬命↑↑

紅紅：『真係好難得嫁，你曬左未？』

最近比較忙

好一段時間沒有小貓三四的相關消息，其實一二三四家除了豬豬仔仔外，還有差不多還遺忘了的小貓三四．

為甚麼最近沒有他們的消息？因為他們最近比較忙．
至於他們忙甚麼？由小貓三四自己解釋一下好了．

小黒豬：我好忙呀，無時間解釋呀．

小黑豬：你睇下我講句野之麻，又即刻收到Call啦．呀～～啊～～

小黑豬：之唔係周公子Call囉．

小黑豬：我要搵周公子啦，唔同你講住呀．

肥啡公主：呀～～啊～～邊個嘈住我地訓呀．

肥啡公主：我地一日要訓成十幾廿個鐘架，唔該唔好阻住呀．

這邊箱，方籃裡有四隻小貓：小黑豬，肥啡公主，紅紅，黃仔．

那邊箱，另一方籃裡還有三隻大貓：黑仔，啡啡，藍藍．

除左要不停甘訓之外，小貓三四仲要不能甘試用不用既睡籃．

今次示範用的是豬仔媽的媽媽買的方型睡籃，有大有細，裡面還加了工業用的三吋厚海綿．

除此之外（未計紙箱和碌架床）還有：
龍床不如貓窩<---click me
慈母手中線(3)---貓圈<---click me
貓地一窩<---click me
美麗媽送既新睡籃<---click me

放假先至黎落雨

 

放假先至黎落雨，一心準好備好同成班朋友狗去玩既仔仔，好失望．

點知突然間，電話響，BearBear寳寳不怕路遠又不怕落雨，己經出現左係西貢啦．於是一行五人五狗又有得玩玩玩啦．

好啦，要介紹下今次既主角啦．

當然係:Lady First啦，西貢之光－－－鮑美麗．

細膽豬豬．

斷背BearBear．

攀石寳寳

當然唔少得為食仔啦．

依個就係為食仔招牌等食樣啦．含情默默甘望住你．．．件零食．點捨得令佢失望，雖然屋企成櫃零食，但係平時無乜得佢食，係出街街先同朋友狗一齊分享架啦．

寳寳就有仔仔一半甘為食，不過為食狗我鍾意，因為有野食就乜都得，最有滿足感．
不過原來寳寳既真係身份係攀岩高手，嚴格d黎講，唔係攀岩，係攀崖，懸崖個崖．

寳寳：下個有個崖喎，好唔好露兩手好啦？？？

寳寳：去就去啦，我落去行個圈呀，你地唔使擔心，我好快上返黎架啦．

寳寳：A Piece of Cake，濕濕碎．
雖然寳寳覺得濕濕碎，但係在場觀眾都嚇到呆左．

仔仔豬豬就好似平日甘，係甘打打打跑跑跑．

仔仔好醒，出招用突擊，跑圈跑內圈，跑少D．
豬豬就跑大個圈然後衝埋黎，但係未埋到位就俾仔仔側擊．
由得佢啦，小朋友好活力跑多D身體好呀．

今次仲好玩，多左BearBear加入戰團，佢一心一意只係追住仔仔個PatPat，等機會爬上去，仔仔掛住同豬豬打架，都唔得閒反擊．不過今次BearBear正正係幫我地俾既特訓仔仔，因為之前仔仔一俾狗禽就發火，今次我地係旁邊控制到佢，真係有進步呀．

原來BearBear係斷背架，佢最鐘意係爬BoyBoy，雖然仔仔係公公都難逃一刧．不過無法啦，仔仔同BearBear真係幾襯，都係黑色四眼捲尾．三隻黑狗跑黎跑去好開心呀．

追來追去，BearBear既誠意終於打動左仔仔啦．佢地係度咬耳仔．

BearBear：追左甘耐啦，俾我威一下啦，最多我認你做大佬啦．
仔仔：嗱，一下架啦．

仔仔：Come On BearBear！！！

至於豬豬今次就真係叻女啦，大家留意下下面兩張相有咩特別．

就係豬豬條尾啦，佢竟然係人群同狗群中間無夾尾，仲主動走去追寳寳撩狗玩，真係聞所未聞，開心到震呀．

唔知係環境佢熟呀，定係人少少狗少少，定係佢感覺到大家都都係好人好狗，定係之前排山倒海既訓練有成績．．．咩都好啦，如果豬豬以後都可以保持到依個水準就好啦，為左佢我地會繼續不斷安排更多更多更多節目俾佢．

甘又點會少左美麗果份呀．話說佢當日俾左個welcom kiss仔仔豬豬之後，就一直陷於苦思既狀態．

點解？因為佢係崖邊見到個私家碼頭同私人遊艇，就好想快D嫁入豪門，到時成日可以坐私家遊艇出海，又可以帶埋媽咪去放生．所以佢就一直係度諗點樣可以快D嫁入豪門．如果你地諗到辦法，記住去佢個Blog度留言教路呀．

雖然今日無咩陽光，但係同時間都無咩大雨，就多得依個天氣令到遊人郤步，燒烤場出奇的少人，差唔多係無人，所以狗狗玩得異常盡慶．希望快D又可以一齊玩啦．

多得個天，造就左我依個豐富美味既晚餐，正！！

不同又相同的日誌：
Bear寳篇---落雨天的大網仔<---click me
美麗家的5人5狗之豬朋狗友<---click me