豬豬生日

豬豬是去年的大年初二來到我們家，今天理所當然的要為她慶祝．為放便一併慶祝，所以我們也將仔仔的生日定為同日．

一早便開始排山倒海的慶祝節目，當然少不了到麥當奴開生日會．．．

相片和其他節目快將由豬仔爸補上．

在等候時間，請先收看連續劇重播：
豬來了（一）<---click me
豬來了（二）<---click me
豬來了（三）<---click me
豬來了（四）<---click me

豬仔爸即係daddy過年咁忙，都係由我豬豬自己寫la，大家請繼續收看...

自從留低左在大灘，我都早已把之前唔開心的事忘記左，不過媽咪同daddy一定要話年初二係我生日，仲要哥哥都改埋，我都冇辦法，為左佢兩個老人家開心，我都唔介意用年初二做生日，勝在易記。

初二一早，媽咪Daddy要去聖堂望彌撒，我同哥哥只好留在車內等，幾時聖堂歡迎狗狗內進就好了。

之後唔知點解，媽咪要我同哥哥藏身在一個銀行的橫門，唔通媽咪要籌$同我地慶祝？其實，可以一家人開開心心就得，唔一定要大魚大肉。

不過哥哥話可能係媽咪驚我地涷，所以避下風，anyway，都唔重要，最重要係美麗姐姐原來一齊來同我地慶祝，攪到我好開心。

小朋友開生日會當然去麥當當，我地好興奮在門口擺post影相，我仲戴左daddy漏夜同我地做的生日帽

點知麥叔叔話要十一點過後先可以在門外開餐，我地狗狗一向都被人歧視係唔可以入食物館的，所以我地好失望，媽咪話唔好咁樣，不如去附近三角公園開生日會都一樣。我地去左三角公園，daddy同美麗媽都相繼走開左，哥哥同美麗都覺有D奇怪

媽咪就趁佢地走開同我地點焟燭

原來佢地去同我地預備生日會食物，每狗少少地都算la，反正仲有成日的節目

在三角公園開生日會仲有個好處，有個朋友仔自動自覺出現，我地請佢食野一齊慶祝

食完野媽咪話去玩下，地點係大網仔附近，咁我地同美麗就各自開車去，美麗係淑女，當然係香車美人

點知落左車仲收到禮物添

拿，跟住我就介紹下我地玩D乜

首先我地行一段單車路，因為時間尚早，唔止可以行，仲可以跑

上到山頂，風景好靚，美麗謀殺左不少記憶體

我同哥哥就係牛黃左D，我地玩野戰

玩到我伸下伸下條脷

好在附近有個亭，美麗媽又派零食，我地可以回氣

話晒都係媽咪同daddy帶我地出泥玩，點都要同佢地影下相，我地就勉為其難陪佢地影下la，不過你見我側側頭，就知我唔係好願意

美麗就比較錫佢媽咪，影相幾咁甜

玩完之後返屋企，仲有人來同我地慶祝，真係開心。係邊個唔重要，最重要係佢手上有美味的罐頭

其實係媽咪個daddy媽咪同細妹

為左表示我地衷心感激，我地又戴上生日帽

仲扮馬馬比佢地騎

總之，媽咪話唔可以失禮人

原本以為時間尚早，初二晚我同daddy媽咪第一次相遇的時間來到時還會有更精彩的節目，點知佢地一早入房，唔知攪D乜，攪到入黑daddy先出泥同我地散下步，放低幾兩，咁樣的慶祝，媽咪話排山倒海，我豬豬真係冇話說。

不過，我係有教養的狗狗，我點都要多謝美麗同所有出席我生日節目的人，尤其是daddy媽咪。

豬豬字