貓砂剪綵儀式

話說，貓砂盤剛剛洗乾淨，我地邀請左嘉賓貓－－－黑仔，做今次新貓既剪綵嘉賓．

黑仔：Hello everybody，大家好，大家係咪見到我既美腿就認得我係邊個呢？
媽咪：吓．．．

黑仔：得得得唔緊要，俾埋個側面大家睇．嗱，唔使開心到尖叫架．
媽咪：Er....

黑仔：甘依條充滿線條美既貓尾又點睇呀？
媽咪：我係唔會同你係度扯貓尾架．

黑仔：得得得，你唔使講出口，我明白你既心意，俾埋個靚仔樣你睇．鍾唔鍾意我依個迷人既眼神呀．
媽咪：（啞左）

黑仔：仲有一個又白又滑既肚皮．（下省一千字）．．．
媽咪：夠啦黑仔，你可以正式剪綵未呀．

黑仔：好啦，好啦，我做野啦，個貓砂盤又幾好訓喎．
媽咪：喂，衰仔，你咪同我玩野呀！！！

黑仔：舒服得黎又幾闊落，轉兩次身，伸埋腳都仲夠位．
（大家請留意右下角飛踢出黎既貓砂）
媽咪：你玩夠未呀！？！？

嘉賓貓：乜你唔係要我黎碌地砂咩？
媽咪：你係咪唔知道貓砂盤用黎用咩呀？

嘉賓貓：唓，玩下之麻，疴咪疴law.
媽咪：（滴汗中）．．．

同場加演碌地砂短片