身世之謎

仔仔豬豬神高神大，唔打得，個樣都呃得吓人，所以有唔少Blog友對佢地既身世都作左唔少推測．為左唔好令大家再估估下，佢地係時候親自揭開佢地既身份啦．

豬豬：仔仔哥哥，睇黎．．．我地唔可以再隱藏我地既身份啦．

仔仔：無辦法啦，事到如今，唔想講都要同大家講架啦．

仔仔：其實我地既真正身份係．．．

豬豬：仔仔哥哥，你遮住左個牌，人地睇唔到我地既身份架啦．

豬豬：我地既真正身份其實係．．．

仔仔：係警犬呀！！！

豬豬：相信各位Uncle Auntie都識字架，我身後面果牌就係叫大家提防警犬，你地明架啦．

豬仔媽：豬豬，如果你甘細膽都做到警犬，我諗我可以幫你申請入健力士世界紀錄大全啦．

豬豬：媽咪，我一日未死，你一日都無機會知道我個膽又幾大，除非你夾埋Peter醫生做底我開刀攞個膽出黎睇既姐．

仔仔：到我啦，我聰明醒目勇敢堅強，大家信啦．

豬仔媽：邊有甘為食既警犬架．你知唔知做警犬無得成日有雞條芝士餅餅雞肉食架喎．

仔仔：吓，無零食，甘邊度仲有狗生樂趣架．

豬仔媽：你地兩隻野知唔知道冒警係犯法架，你地再坐係人地個閘前面個牌度沾沾自喜扮警犬呢，小心俾差人拉，到時唔止有警犬仲有懲教犬你扮呀．

仔仔：都係怪我細佬仔，太天真太傻，大家當無睇過啦．．．hehehe．．．