豬豬生日排山倒海第五第六炮之真係有大炮

新正頭都過左三分一，排山倒海的生日慶祝都要到個總結的時候，所以趁星期六日尚有空閒時來個大炮大總結。

唔使驚，豬仔唔係去左充軍，只係Daddy媽咪見拜完年仲有時間，所以帶佢地去大草地開心下。

長話短說，上午佢地去探兩隻好特別的狗狗，一隻是天台狗，一隻是書房狗，都係因為少主人出世後有敏感，所以不能留在家內，都好可憐。

佢就係書房狗

佢就係天台狗

帶兩個衰仔衰女去探佢地，故然想帶給兩隻可憐狗狗一些歡樂，另外當然比佢兩個知道幸福唔係必然。

由於所在地方接近大草地，所以順便去碰下運氣，如果冇操炮，就可以比佢地跑跑，點知唔單止冇操炮，仲鬼影都冇個，一於兩人兩狗包場。

地方有幾大？之前已經比大家見識過，不過今次再睇下鬼影都冇的情形。

豬仔點開心法大家可以想像，不過媽咪做乜呢？

豬豬話晒都有D狼狗血統，所以當『眾』示範一隻軍犬要點：

快樂時光就係咁樣就過左：

最後，豬豬仲發現左一個軍事秘密：

 

第六炮，最後一炮就輪到豬仔陪番媽咪Daddy去玩，星期日陪兩位老人家去燒烤。燒烤對豬豬來說沒有什麼好玩，不過仔仔就施展看家本領有好多野食。要睇相，留番第二日再發送。