豬豬生日排山倒海零八年尾炮---狗狗新春團拜開心大派對

唔經唔覺玩左好多個節目，又上山又下海，豬豬仔仔生日排山倒海都係時候行閉幕禮，個閉幕禮又食又拎，簡直開心到飛起．

RANGER：有幾正呀，依D派對我媽咪年中都攪唔少．．．
桃桃：哎吔，豬豬仔仔佢地見識少呀麻，係你都唔好講出黎呀．
就係多得依兩個大朋友既媽咪，即係靚女十三媽，仔仔豬豬今日先至有機會見下世面．

有幾大場面，睇下上面張人山狗海都未齊人既大合照就知幾大場面啦．
（張大合照係係十三媽度撻架）

節目豐富不在話下，仲有表演嘉賓助慶．．．

佢就係白寳旺爸啦，佢表演魔術，吸引左一大群狗FANS．
白寳旺爸：嗱嗱嗱，你地望住包雞條啦，ma-li-ma-li－空．
大家睇下RANGER睇得幾投入．

白寳旺爸：嗨，包雞條無曬啦．．．
大家睇下桃桃個樣幾驚訝．

當仔仔去左睇表演既時候（上上面張相下方中間個黑色背影就係仔仔啦），豬豬又做緊咩呢？依個細膽既豬豬就瑟縮左係椅底同豬仔爸兩腳之間．

點解魔女甘入神？
因為十三媽抽奬，佢終於肯停一停，諗一諗，睇下會唔會抽中自己．

點解磨菇同忌廉又停底落黎唔去週圍搵野食？
因為十三媽大派零食同利是，佢地唔使周圍騰都有好野食．

點解特工咁開心甘訓響地？
因為要飛撲埋英明神武既白白身邊．
（我失敗影旺旺影得清楚所以無放上黎）

點解嗌麗麗唔係美麗走埋黎？
因為依個靚女都係叫麗麗，佢仲要出奇地好順攤咁俾我抱，所以我要去買六合彩．

點解條尾甘鬼靚？因為佢咪就係靚女黑黑條尾law．

點解豬仔媽有個甘怪既表情？
因為黑黑佢唔夠力又忍唔住手要去抱黑黑．

點解有個睡公主係度？
因為momoko玩得好開心，要休息下再黎過．

點解檬檬一個狗係度？
因為佢勞苦功高幫我地守門口．

點解怪怪衰十一？
要為佢轉左十一個主人終於等到個識貨又錫佢既最後一個主人．

點解樂天有得做十一狗代表黎派對？
因為佢識舉手報名．

點解亞力甘靚仔？
因為天生架，你地唔恨得甘多架啦．

問完問題，講反正經野．

我終於見到我朝思暮想既AB啦．

Apple：仔仔，我地好似樣喎，你係咪我分散多年既大佬黎架．
仔仔：Apple妹，過左去既野唔好再提啦，知道有人甘錫你我就安落啦．

豬仔爸對Billy仔簡直係愛不釋手．

除左Billy仔又型又乖又靚仔之外．

仲因為佢，佢唔係Billy，係我地最愛既冬冬．．．

狗口眾多，恕不能一一盡錄．
再次多謝十三媽十三爸勞心勞力，
有機會再一齊玩過．