豬豬生日排山倒海第三炮（一狗有一個夢想）

話說，豬豬仔仔生日有排山倒海既慶祝活動，點知尋日兩隻狗除左早晚散步之外，就兩隻狗悶係屋企．由於貨不對牌，仔仔豬豬均展示不滿，豬仔爸媽為左面子，於是星期一一早就帶左佢地去跑跑跑．

豬仔媽為左面子，又扮曬野咁講同阿豬阿仔講．．．
豬仔媽：仔仔豬豬，休息是為了走更遠既路．你睇休息完一日又可以跑多Ｄ啦．

仔仔：媽咪，你ＯＵＴ啦，依家唔興講依Ｄ野呃細路架啦．
豬豬：係呀，仔仔哥哥教我，依家既潮語係”拉屎為了食更多的雞”．

美麗媽：豬仔媽，你兩隻野講野有骨喎．
豬仔媽：得啦，佢地ＧＵＴ起條尾就知佢想點啦，我識做架啦．食雞啦你地．

豬豬：好味．．．

就係四個小朋友影緊大合照既時候，無意之間踩中碌棍，原來果碌係傳說中既神棍，碌神棍仲會出聲．
神棍：你班小朋友做咩晨中流流踩我四腳呀，不過見你地無咬我又無踩斷我，我孤且送你地一狗一個願望喎．

翠兒姐姐：我家食無憂，只要媽咪錫我就得架啦．
神棍：依個己經係一生不變既事實，唔使我幫你實現啦．

美麗：我無慾無求，只願狗如其名就得啦．
神棍：依個己經係人狗共知既事實，唔使我出手啦．

仔仔：我想學舞獅．
神棍：唔．．．唔．．．唔．．．收到．

豬豬：我想學扮靚．
神棍：嗱，等我點條路你地行啦，你地去拜美麗為師啦．
仔仔：嗱，豬豬我都話佢係神棍架啦，淨係識老點，你唔使你教都知美麗幫到我地啦．

仔仔，BING-LING-BUM-LUM甘跑去美麗度．
美麗：嘩，你地有咩事，慢慢講，唔好動粗呀．
豬豬：我地想拜你為師呀．
美麗：你地問我媽咪啦，佢係我經理人呀．

仔仔：美麗媽，我地想拜美麗為師呀．
美麗媽：吓，我個女唔會亂收徒弟架喎．
仔仔：收啦收啦，錫啖你呀．

美麗媽：甘啦，你地舔呀麗麗既口水尾，聽曬佢話啦．

豬豬：我終於搵到名師指引啦．

於是仔仔豬豬就跟左美麗去上堂啦．

美麗仲親自示範點舞獅添．

真係功架十足架．

但係天資唔高既仔仔豬豬只係睇到呆左，一招半式都學唔到．

然後麗麗就教豬豬扮靚，仲表情肉緊添．

可惜豬豬天生劣質．．．

話明排山倒海，節目當然接踵而至，之後就有下半場啦，有七隻狗狗唔嫌山長水遠，專程入黎探我地．

仲走左去大草地玩，場面極之熱鬧．

之後仲有夜場，出西貢食晚飯同跑大吉地添呀．

做左甘多野，仔仔豬豬終於唔再嘈，因為兩個小朋友攰到唔識郁啦．．．