小意思大出血

豬仔媽：天氣咁熱，帶你地去嘆冷氣啦．
仔仔＋豬豬：真係好爽呀．

仔仔：做咩嘆冷氣要拮PatPat架．．．

豬豬：仔仔哥哥，我地中伏啦，Daddy Mami帶我地去睇醫生呀．

話說上個星期豬仔去醫生度抽血驗，Dr. Peter咁岩放假，陌生醫生除左嚇到佢地鼻哥窿都無肉之外，仲唔知點解係條頸度抽血仲要抽完血攪到阿仔個傷口又腫又有硬塊仲有膿，梗係要去睇醫生啦．

Dr. Peter話並不嚴重，止痕針，洗傷口搽葯膏仲要食葯．既然唔嚴重，外傷就咪鬼用內服葯物啦，我地私底下免除阿仔食葯．

橫掂順路帶埋豬豬妹妺俾 Dr. Peter檢查下．

豬豬手肘有紅點，Dr. Peter話訓地下壓同磨得多皮膚變厚．若不惡化正常．

至於肚仔既小紅點，因為有滴Frontline排除左係俾蚤咬，循例照過都唔係金錢癬．保持清潔留意下就得啦．

仔仔：明明係小意思之麻，使乜睇醫生又打針又搽葯呀．攪到荷包大出血，不如買雞食好過啦．

豬仔媽：為你地好買個安心之麻，你咁多野講信唔信我扣起你d雞肉填數呀啦．

雖然係大驚小怪左小小，不過買個安心都係家長係人之常情．
咪啦，都係要買返d書返黎自修下，年終應該可慳少少．