狗地專用餐桌

狗地想學餐桌禮儀，第一件事當然要買返張餐桌啦．

泡泡：咩黎架，點解個兜升高左既．
豬仔媽：餐桌黎架，用餐桌食飯就要用返少少禮儀，要食得斯文D．

泡泡：咩叫斯文D呀，係咪一啖食曬成兜，唔好逐啖咬咁解呀？
豬仔媽：咪亂UP呀，即係細細啖慢慢食，個口唔好擘咁大呀．
泡泡：咪玩啦媽咪，你自己都做唔到啦．．．

豬豬：仔仔哥哥點個兜大左咁多既，咁咪有好多好多野食law．
仔仔：豬豬，你咪天真啦，個兜只係墊高左，我check過架啦，下面果層空心架．

仔仔：媽咪話墊高左，唔使烏低個頭食野，對條頸好D架．
豬豬：但係我鍾意好似平時咁攤係地下食野喎．
仔仔：豬豬呀，阿媽咪話好妳就要用架啦，唔係飯都無得你食呀．

上星期六去宜家傢俬買煎Pan，見到兩個企倚幾靚仔，個面仲有防滑膠粒，岩曬大狗做餐桌，大既６９．９，細既２９．９尚可接受，最重要係豬仔爸唔係身邊俾 ”意見” ，唔理咁多，即時大細各買兩張，狗地唔岩就我用黎坐．大果張用黎配Clipper既彷瓷兜糧兜真係度身訂造都無咁岩．Clipper個兜夠重又有成個圈既防滑膠，超好用都只係三十蚊有找，岩岩夠裝阿仔阿豬既晚餐．

但係放飯兜就唔係好夠大，加上張餐桌四邊高起左少少攪到果D防滑膠粒掂唔到個飯兜底．於是乎買十幾蚊買多卷防滑膠墊，攪掂．