又食又拎

生日派對真係超開心，又得玩得有食有得抽不達止，仲有得拎添呀．
話說當日出發時只係帶左個背囊，回程時就兩隻都唔唔夠拎野，前後三個紙袋，兩大盤美食．

首先就有MuiMui公主御賜既禮物，唔使拆己經好鍾意，因為上面有公主既靚相呀．

仲有小咪送既狗狗抺手布，真係好啦，佢可以陪住我既馬騮抹手布，佢個樣有少少唔開心，可能未幫佢改名，所以未有安全感．．．要豬仔爸快d幫佢改名先得．

拆禮物啦，係好味道既魚魚同潔齒骨，仔仔好咀刁，試過好多潔齒骨，加埋得四種佢會食，MuiMui公主送既依包就係仔仔既至愛至一，就係有心呀．

仔仔：多謝MuiMui公主同Pit彭彭王子，媽咪話會分小小俾我同豬豬妹妹，分多多俾村狗同地盤狗架啦．

豬豬：仔仔哥哥，我依邊仲有正野食呀，係home made點心同肉批呀，DaddyMami都唔識整好味野食，多得Miu媽同Pit媽關照我地先有口福咋．

豬豬：PitPit王子，你係咪偷聽到我媽咪成日話我口臭，所以咁知我心意呢，我成日都牙痕口臭，潔齒骨正呀，仲要係新口味，真係好啦．唔知仔仔哥哥食唔食呢，如果佢唔食就好啦，咁我可以一狗食曬成包．

豬豬：面包圈媽咪，多謝你既魚魚呀，我豬無水不歡，前世應該係魚，食魚肉就岩曬啦．

仔仔：我地仲有孖Q兄弟請我地食既餅餅，真係開心到口唔埋口呀．

仔仔：可惜．．．可惜我地有個孤寒既媽咪，咁多好野都只係分左一粒餅餅俾我食下午茶．

豬豬：仔仔哥哥，一粒咁小不如唔好食啦，我幫你食埋去．．．
仔仔：你隨便啦，因為我留肚食好野，陣間你就知．．．

豬豬＋仔仔：多謝大家咁關照我地，請我地食咁多好野，令我地個充滿空間感既零食櫃先熱鬧返少少，不過麻煩大家提下我媽咪得閒要開下櫃，唔好等我地有得睇無得食呀，如果唔係．．．我地唔排除有一日我地忍唔住，跟超能泡泡偷師爆櫃架．