新裝備---狗地睡袋

豬豬：各位叔叔EE，我媽咪又借我地過橋，買野俾我地為名，亂洗錢為實．今次又買左兩個睡袋返黎俾狗地．天時暑熱用睡袋，唔知佢係咪想狗地生熱疹呢．

豬仔媽：咁多野講，天時凍帶你去露營，你凍到打冷震果時唔好係度吠呀．

話口未完，至識貨既黒仔就走左去個睡袋度先訓為快啦．

黑仔：四野無人貓狗，等我嘆下先．
豬仔媽＋豬豬：黑仔，你當我地透明架！！！！

黒仔：我捐左入個睡袋度咪邊個都見唔到law，呵呵．

豬豬：（突然驚屎無左個睡袋，衝埋去）黑仔，個睡袋媽咪買俾狗地架喎．
黑仔：唓，使唔使咁緊張呀，我地有好多個仲舒服既貓窩，唔會搶左你個睡袋既，不過見新屎坑過黎 high下之麻．

豬豬：其實個睡袋真係幾舒服，尺碼又岩狗地，不過咁樣訓真係好屎熱呀．腳板底出曬汗啦．一個狗訓又鬼屎咁悶．．．

咁岩仔仔路過．
豬豬：機會黎啦，我咬佢腳．

仔仔：豬你咬我．．．我咬你頸．
豬豬：哥哥我抗降啦，你快過我啦．

就係仔仔以為自己勝利，一個狗伏左係睡袋度攤抖既時候，豬豬就一個屁股咁坐上去．．．都話架啦，女人（狗）係唔可以睇小佢架．

豬仔媽：（明明係旁邊笑到收唔到聲）喂你地兩隻野玩是玩咪玩爛個睡袋呀．
豬豬＋仔仔：屎火，媽咪罵，扮訓．．．

豬仔媽：你地爭夠啦麻，打開個睡袋咪夠兩個一齊訓 law．真係屎蠢．
豬豬：媽咪一個睡袋夠我地兩個訓咁你又買兩個返黎既．
仔仔：豬豬，你咁都好問題，媽咪自己認左啦，真係屎蠢呀麻．

豬仔媽：．．．．