小貓三四生日＋豬仔婆婆生日

兩年前既六月十六日就係啡啡生小貓既日子，從此六月十六就定為我家小貓三四慶生日，一半係慶祝生仔，一半係慶祝生日．
（節目重溫：貓BB出世了<---click me）

不過善忘係豬仔媽既強項，豬仔爸就一d都唔善忘，因為佢根本無記過．到左六月尾我先發現錯過左正日，於是乎搵晚開濕糧俾小貓三四食餐好既．相比舊年我特登放半日假，整左個玩幾年都唔爛既抓板同搜羅大量玩具同零食既慶祝程度相比．今年貓地梗係唔收貨啦．佢地話至少要有份有份量既生日禮物喎．

其實唔係我地孤寒，應該係話明明係孤寒都屎口唔認，不過我連毛都唔識梳進化成梳試左十幾個；濕糧好少買變到咁多牌子差唔多試齊曬．小貓三四生活根本一無所缺，仲點買禮物俾佢地喎．

行黎行去揀到樣叫做岩心水既．

藍藍：顏色就幾襯我啦，一樣白雪雪．不過有咩特別呀．

豬仔媽：你試下先講啦．
藍藍：試咪試，怕你呀．

藍藍：無咩特別喎．
豬仔媽：你再試多陣．

藍藍：依個位有少少唔就腳．要拮起個屁股黎食．
豬仔媽：位可以轉，你再試下．

於是藍藍由個天藍色試到個天變左黑色．終於佢發覺有d唔妥．

藍藍：點解食極都仲有既．
豬仔媽：你終於發現份禮物有咩物別啦．就係食極都有啦，咁以後就唔會因為媽咪訓晏左爸爸唔記得左而要肚仔餓啦．

參考左藍藍媽咪既用後報告之後，糧兜個住就係直轉橫．小黑豬就走去試新野啦．

小黑豬：企係度食快上快樂可以安心食多d呀．

依個就係之前小貓三四既飯廳上層．以前豬豬仔仔夜晚會去偷食貓糧，所以唔可以放得多．依家豬仔爸將個飯廳升高左，豬仔無符，可以安心放多少少．

依個就係飯廳下層啦．有個盤裝住，就亂跌到成枱都係都接得住．

點解今日先提小貓三四生日？
因為今日係豬仔既婆婆生日，一次過祝佢地生日快樂呀麻．

補番張相先：